อกุสลสมุฏฺฐานํ รูปํ อกุสลมูเลน เอกมูลํ, น อกุสลํฯ อกุสลํ อกุสลมูเลน เอกมูลญฺเจว อกุสลญฺจฯ

[64] (ก) เย เกจิ อกุสลมูเลน เอกมูลา ธมฺมา, สพฺเพ เต อกุสลมูเลน อญฺญมญฺญมูลาติ?

มูลานิ ยานิ เอกโต อุปฺปชฺชนฺติ อกุสลมูลานิ เอกมูลานิ เจว อญฺญมญฺญมูลานิ จฯ อวเสสา อกุสลมูลสหชาตา ธมฺมา อกุสลมูเลน เอกมูลา, น จ อญฺญมญฺญมูลาฯ

(ข) เย วา ปน อกุสลมูเลน อญฺญมญฺญมูลา, สพฺเพ เต ธมฺมา อกุสลาติ? อามนฺตาฯ

(2) มูลมูลนโย

[65] (ก) เย เกจิ อกุสลา ธมฺมา, สพฺเพ เต อกุสลมูลมูลาติ?

ตีเณว อกุสลมูลมูลานิฯ อวเสสา อกุสลา ธมฺมา น อกุสลมูลมูลาฯ

(ข) เย วา ปน อกุสลมูลมูลา, สพฺเพ เต ธมฺมา อกุสลาติ? อามนฺตาฯ

[66] (ก) เย เกจิ อกุสลา ธมฺมา, สพฺเพ เต อกุสลมูเลน เอกมูลมูลาติ?

อเหตุกํ อกุสลํ อกุสลมูเลน น เอกมูลมูลํฯ สเหตุกํ อกุสลํ อกุสลมูเลน เอกมูลมูลํฯ

(ข) เย วา ปน อกุสลมูเลน เอกมูลมูลา, สพฺเพ เต ธมฺมา อกุสลาติ?

อกุสลสมุฏฺฐานํ รูปํ อกุสลมูเลน เอกมูลมูลํ, น อกุสลํฯ อกุสลํ อกุสลมูเลน เอกมูลมูลญฺเจว อกุสลญฺจฯ

[67] (ก) เย เกจิ อกุสลมูเลน เอกมูลมูลา ธมฺมา, สพฺเพ เต อกุสลมูเลน อญฺญมญฺญมูลมูลาติ?

มูลานิ ยานิ เอกโต อุปฺปชฺชนฺติ อกุสลมูลานิ เอกมูลมูลานิ เจว อญฺญมญฺญมูลมูลานิ จฯ อวเสสา อกุสลมูลสหชาตา ธมฺมา อกุสลมูเลน เอกมูลมูลา, น จ อญฺญมญฺญมูลมูลาฯ

(ข) เย วา ปน อกุสลมูเลน อญฺญมญฺญมูลมูลา, สพฺเพ เต ธมฺมา อกุสลาติ? อามนฺตาฯ

(3) มูลกนโย

[68] (ก) เย เกจิ อกุสลา ธมฺมา, สพฺเพ เต อกุสลมูลกาติ?

อเหตุกํ อกุสลํ น อกุสลมูลกํฯ สเหตุกํ อกุสลํ อกุสลมูลกํฯ

(ข) เย วา ปน อกุสลมูลกา, สพฺเพ เต ธมฺมา อกุสลาติ?

อกุสลสมุฏฺฐานํ รูปํ อกุสลมูลกํ น อกุสลํฯ อกุสลํ อกุสลมูลกญฺเจว อกุสลญฺจฯ

[69] (ก) เย เกจิ อกุสลา ธมฺมา, สพฺเพ เต อกุสลมูเลน เอกมูลกาติ?

อเหตุกํ อกุสลํ อกุสลมูเลน น เอกมูลกํฯ สเหตุกํ อกุสลํ อกุสลมูเลน เอกมูลกํฯ

(ข) เย วา ปน อกุสลมูเลน เอกมูลกา, สพฺเพ เต ธมฺมา อกุสลาติ?

อกุสลสมุฏฺฐานํ รูปํ อกุสลมูเลน เอกมูลกํ, น อกุสลํฯ อกุสลํ อกุสลมูเลน เอกมูลกญฺเจว อกุสลญฺจฯ

[70] (ก) เย เกจิ อกุสลมูเลน เอกมูลกา ธมฺมา, สพฺเพ เต อกุสลมูเลน อญฺญมญฺญมูลกาติ?

มูลานิ ยานิ เอกโต อุปฺปชฺชนฺติ อกุสลมูลานิ เอกมูลกานิ เจว อญฺญมญฺญมูลกานิ จฯ อวเสสา อกุสลมูลสหชาตา ธมฺมา อกุสลมูเลน เอกมูลกา น จ อญฺญมญฺญมูลกาฯ

(ข) เย วา ปน อกุสลมูเลน อญฺญมญฺญมูลกา, สพฺเพ เต ธมฺมา อกุสลาติ? อามนฺตาฯ

(4) มูลมูลกนโย

[71] (ก) เย เกจิ อกุสลา ธมฺมา, สพฺเพ เต อกุสลมูลมูลกาติ?

อเหตุกํ อกุสลํ น อกุสลมูลมูลกํฯ สเหตุกํ อกุสลํ อกุสลมูลมูลกํฯ

(ข) เย วา ปน อกุสลมูลมูลกา, สพฺเพ เต ธมฺมา อกุสลาติ?

อกุสลสมุฏฺฐานํ รูปํ อกุสลมูลมูลกํ น อกุสลํฯ อกุสลํ อกุสลมูลมูลกญฺเจว อกุสลญฺจฯ

[72] (ก) เย เกจิ อกุสลา ธมฺมา, สพฺเพ เต อกุสลมูเลน เอกมูลมูลกาติ?

อเหตุกํ อกุสลํ อกุสลมูเลน น เอกมูลมูลกํฯ สเหตุกํ อกุสลํ อกุสลมูเลน เอกมูลมูลกํฯ

(ข) เย วา ปน อกุสลมูเลน เอกมูลมูลกา, สพฺเพ เต ธมฺมา อกุสลาติ?

อกุสลสมุฏฺฐานํ รูปํ อกุสลมูเลน เอกมูลมูลกํ, น อกุสลํฯ อกุสลํ อกุสลมูเลน เอกมูลมูลกญฺเจว อกุสลญฺจฯ

[73] (ก) เย เกจิ อกุสลมูเลน เอกมูลมูลกา ธมฺมา, สพฺเพ เต อกุสลมูเลน อญฺญมญฺญมูลมูลกาติ?

มูลานิ ยานิ เอกโต อุปฺปชฺชนฺติ อกุสลมูลานิ เอกมูลมูลกานิ เจว อญฺญมญฺญมูลมูลกานิ จฯ อวเสสา อกุสลมูลสหชาตา ธมฺมา อกุสลมูเลน เอกมูลมูลกา, น จ อญฺญมญฺญมูลมูลกาฯ

(ข) เย วา ปน อกุสลมูเลน อญฺญมญฺญมูลมูลกา, สพฺเพ เต ธมฺมา อกุสลาติ? อามนฺตาฯ

3. อพฺยากตา ธมฺมา (1) มูลนโย